Машҳур агент Мино Райола Миландаги касалхонага ётқизилди, дея хабар беради La Gazzetta dello Sport.
Манба берган хабарга кўра, бугун, 12 январь куни эрталаб Райола Миландаги Сан-Раффаэле касалхонасига етказилган ва шошилинч операция қилинган. 54 ёшли агент ҳозирда тиббиёт муассасасида шифокорлар назоратида. Раёланинг аҳволи ва операция характери ҳақида маълумот берилмаган.
Эслатиб ўтамиз, Райоланинг мижозлари орасида «ПСЖ» ва Италия терма жамоаси дарвозабони Жанлуиджи Доннарумма, Дортмунднинг «Боруссия» клубининг норвегиялик ҳужумчиси Эрлинг Холанд, «Милан»нинг швециялик ҳужумчиси Златан Ибраҳимович, Франция терма жамоасининг ҳимоячиси Пол Погба ва бошқа машҳур футболчилар.
