«Тоттенхэм» бош мураббийи Антонио Конте «Челси»га қарши баҳсдан кейин ўз фикрлари билан ўртоқлашди. У жамоаси кўрсатган ўйин ҳақида шундай дейди:
«Менимча, биз кўрсатган ўйин биринчи даврдагига қараганда яхшироқ эди. Биринчи бўлим нисбатан мураккаб кечди. Чунки тўпсиз, аммо прессинг билан ҳаракат қилишга уриндик. Иккинчи бўлимда нисбатан ташаббусга эга бўлдик. Бугун яхшироқ натижага эга бўлишга ҳақли эдик. Аммо умумий иккита ўйинни олиб қараганимизда «Челси» финал учун мосроқ эди. Рақибни бу билан табриклайман».
Эслатиб ўтамиз, «Челси» икки ўйин натижасига кўра, 3-0 ҳисобида «шпорлар»дан устун келди.
