«Tottenxem» bosh murabbiyi Antonio Konte «Chelsi»ga qarshi bahsdan keyin o‘z fikrlari bilan o‘rtoqlashdi. U jamoasi ko‘rsatgan o‘yin haqida shunday deydi:
«Menimcha, biz ko‘rsatgan o‘yin birinchi davrdagiga qaraganda yaxshiroq edi. Birinchi bo‘lim nisbatan murakkab kechdi. Chunki to‘psiz, ammo pressing bilan harakat qilishga urindik. Ikkinchi bo‘limda nisbatan tashabbusga ega bo‘ldik. Bugun yaxshiroq natijaga ega bo‘lishga haqli edik. Ammo umumiy ikkita o‘yinni olib qaraganimizda «Chelsi» final uchun mosroq edi. Raqibni bu bilan tabriklayman».
Eslatib o‘tamiz, «Chelsi» ikki o‘yin natijasiga ko‘ra, 3-0 hisobida «shporlar»dan ustun keldi.
