Ирландиялик MMA жангчиси Конор Макгрегор ўзининг инстаграм саҳифаси орқали даромадлари ҳақида мақтанди. У OLBG таҳлилчилари томонидан тузилган дунёдаги энг кўп маош олувчи спортчилар рейтингини эълон қилди.
Ўтган йили Конор жангнинг бир дақиқаси учун 8,6 миллион доллар ишлаб топган эди. Иккинчи ўринни мексикалик боксчи Сауль Алварес (дақиқасига 444 минг), учинчи ўринни америкалик футбол юлдузи Том Бреди (дақиқасига 37 минг) эгаллади.
Топ-5 рейтингга икки нафар футбол вакили киритилган. Бразилиялик Неймарнинг даромади дақиқасига 32 минг, португалиялик Криштиану Роналду эса 18 мингни ташкил қилди.
