Ҳарбий хизматни 10 йил давомида кечиктиришнинг уддасидан чиққан Жанубий Корея терма жамоаси футболчиси Пак Чу Ён “Арсенал”га жуда қимматга тушди.
Футболчи Монакода 10 йил яшаш учун рухсат олиб, ҳарбий хизматни ўташни шунча йилга кечиктириш баробарида инглиз клубига қўшимча 3 миллион зарар келтирди. Лондон клуби ўтган йили бу футболчини “Монако”дан 3,5 миллион евро эвазига ўз сафига қўшиб олган эди. “L'Equipe” газетасининг хабарига кўра инглиз клуби футболчи агар ҳарбий хизматни 10 йилга кечиктира олса, “Монако”га қўшимча 3 миллион евро тўлаб беришга розилик билдирганди. Монако ҳукумати унга 10 йилга яшаш учун рухсат берди ва 26 ёшли футболчи энди шунча йил давомида ҳарбий хизматга бормайди. Арсен Венгер ушбу футболчини атиги 6 дақиқа ўйнатган холос.
