2022 йилги Суперлига янги мавсуми олдидан «Динамо» жамоаси таркибини кучайтириш ишларини олиб бормоқда.

Клуб мураббийлар штаби таклифига кўра, «Динамо» жамоаси сафига Евгений Чумак келиб қўшилди. Украиналик 26 ёшли яримҳимоячи билан 1 йиллик шартнома имзоланди.

Евчений Чумак Киевнинг «Динамо» клуби тарбияланувчиси саналиб, «Динамо Киев» асосий таркибида 2та ўйин ўтказган. Шунингдек, фаолияти давомида «Говерла» (Украина, 2015), «Торпедо-БелАЗ» (Беларус, 2016), «Карпати» (Украина, 2016), «Днепр» (Могилёв, 2017), «Десна» (Украина, 2018), «Бунёдкор» (Ўзбекистон, 2019), «Металлург» (Ўзбекистон, 2020), «Турон» (Қозоғистон, 2021) клублари шарафини ҳимоя қилган.

Шунингдек, мураббийлар штаби қарорига кўра, «Динамо» клуби сербиялик дарвозабон Милое Прекович билан келишувга эришди. 30 ёшли голкипер билан бир йиллик шартнома имзоланди. Сербиялик легионер «Динамо» сафига эркин агент мақомида қўшилди.

Милое Прекович сўнгги мавсумни Сербия Суперлигаси вакили «Вождовац» клуби сафида ўтказиб, жамоанинг асосий посбони бўлган. У чемпионат доирасидаги барча – 21 ўйинда ҳам тўлиқ тўп сурган.

Маълумотнома:
Милое Прекович
Туғилган санаси: 1991 йил, 7 июнь.
Туғилган жойи: Сербия, Аранделовач.
Бўйи: 192 cантиметр

Тўп сурган клублари:
2009-2010 - «Младеновач» (Сербия)
2010-2012 - «Косиче» (Словакия)
2013-2014 - «Младость Лукани» (Сербия)
2015 - «Слога» (Сербия)
2016-2017 - «Енисей» (Россия)
2017-2018 - «ОФК Белград» (Сербия)
2018-2020 - «ФК Индижа» (Сербия)
2021 - «Вождовац» (Сербия).
2022 - «Динамо» (Самарқанд).