2022 yilgi Superliga yangi mavsumi oldidan «Dinamo» jamoasi tarkibini kuchaytirish ishlarini olib bormoqda.
Klub murabbiylar shtabi taklifiga ko‘ra, «Dinamo» jamoasi safiga Yevgeniy Chumak kelib qo‘shildi. Ukrainalik 26 yoshli yarimhimoyachi bilan 1 yillik shartnoma imzolandi.
Yevcheniy Chumak Kiyevning «Dinamo» klubi tarbiyalanuvchisi sanalib, «Dinamo Kiyev» asosiy tarkibida 2ta o‘yin o‘tkazgan. Shuningdek, faoliyati davomida «Goverla» (Ukraina, 2015), «Torpedo-BelAZ» (Belarus, 2016), «Karpati» (Ukraina, 2016), «Dnepr» (Mogilyov, 2017), «Desna» (Ukraina, 2018), «Bunyodkor» (O‘zbekiston, 2019), «Metallurg» (O‘zbekiston, 2020), «Turon» (Qozog‘iston, 2021) klublari sharafini himoya qilgan.
Shuningdek, murabbiylar shtabi qaroriga ko‘ra, «Dinamo» klubi serbiyalik darvozabon Miloye Prekovich bilan kelishuvga erishdi. 30 yoshli golkiper bilan bir yillik shartnoma imzolandi. Serbiyalik legioner «Dinamo» safiga erkin agent maqomida qo‘shildi.
Miloye Prekovich so‘nggi mavsumni Serbiya Superligasi vakili «Vojdovas» klubi safida o‘tkazib, jamoaning asosiy posboni bo‘lgan. U chempionat doirasidagi barcha – 21 o‘yinda ham to‘liq to‘p surgan.
Ma’lumotnoma:
Miloye Prekovich
Tug‘ilgan sanasi: 1991 yil, 7 iyun.
Tug‘ilgan joyi: Serbiya, Arandelovach.
Bo‘yi: 192 cantimetr
To‘p surgan klublari:
2009-2010 - «Mladenovach» (Serbiya)
2010-2012 - «Kosiche» (Slovakiya)
2013-2014 - «Mladost Lukani» (Serbiya)
2015 - «Sloga» (Serbiya)
2016-2017 - «Enisey» (Rossiya)
2017-2018 - «OFK Belgrad» (Serbiya)
2018-2020 - «FK Indija» (Serbiya)
2021 - «Vojdovas» (Serbiya).
2022 - «Dinamo» (Samarqand).
