“Эвертон” раҳбарияти испаниялик 61 ёшли Рафаэль Бенитес билан шартномани бекор қилганидан сўнг, янги бош мураббий қидиришни давом эттирмоқда. Твиттерда журналист Николо Скиранинг ёзишича, “ирислар” италиялик мутахассис номзодини кўриб чиқмоқда.
Манба берган хабарга кўра, бунгача “Фиорентина”, “Наполи” ва “Милан” клубларини бошқарган италиялик 44 ёшли Женнаро Гаттузо “Эвертон” “шорт-листи”дан жой олган. Қайд этилишича, Ливерпул клуби аллақачон Гаттузонинг агенти - Хорхе Мендес билан алоқага чиққан.
Эслатиб ўтамиз, Гаттузонинг сўнгги клуби “Фиорентина” бўлган ва июнь ўрталарида раҳбарият билан келишмовчилик туфайли жамоани тарк этганди.
