"Реал" ҳужумчиси Карим Бензема Испания Суперкубоги финалида "Атлетик"га қарши ўйинда (2:0) пенальтини голга айлантирди.

Бош ҳакам Сезар Сото Градо вазиятнинг такрорий лавҳасини кўриб, басклар ҳимоячиси ўз жарима майдончаси ичида қўл билан зарба бергани учун пенальти белгилади.

Шундай қилиб, Бензема мадридликлар сафида мавсумдаги 27 ўйинда 24-голини киритди. 34 ёшли франциялик футболчининг ҳисобида Ла Лиганинг 20 та ўйинида 17 та, Чемпионлар лигасининг 5 та ўйинида 5 та ва Суперкубок ўйинларида 2 та гол бор. Шунингдек, унинг ҳисобида 9 та голли узатма ҳам бор.