"Real" hujumchisi Karim Benzema Ispaniya Superkubogi finalida "Atletik"ga qarshi o‘yinda (2:0) penaltini golga aylantirdi.
Bosh hakam Sezar Soto Grado vaziyatning takroriy lavhasini ko‘rib, basklar himoyachisi o‘z jarima maydonchasi ichida qo‘l bilan zarba bergani uchun penalti belgiladi.
Shunday qilib, Benzema madridliklar safida mavsumdagi 27 o‘yinda 24-golini kiritdi. 34 yoshli fransiyalik futbolchining hisobida La Liganing 20 ta o‘yinida 17 ta, Chempionlar ligasining 5 ta o‘yinida 5 ta va Superkubok o‘yinlarida 2 ta gol bor. Shuningdek, uning hisobida 9 ta golli uzatma ham bor.
