Каталониянинг “Барселона” клубининг собиқ яримҳимоячиси, ҳозирда Туриннинг “Ювентус” клуби футболчиси Артур Мело фаолиятини Туманли Альбионда давом эттирмоқчи. Бу ҳақда инсайдер Николо Скира ўзининг твиттер саҳифаси орқали хабар берди.
Бразилиялик футболчига асосий давогар Лондоннинг “Арсенал” клуби ҳисобланади. Айни дамда клублар трансфер шартларини муҳокама қилишмоқда.
Артур клублар ўзининг трансфери борасида январь ойидаги трансфер ойнаси ёпилгунига қадар келишиб олишларига умид қилмоқда.
Маълумот ўрнида, Италия чемпионатининг жорий мавсумида бразилиялик 8 та ўйин ўтказган.