Kataloniyaning “Barselona” klubining sobiq yarimhimoyachisi, hozirda Turinning “Yuventus” klubi futbolchisi Artur Melo faoliyatini Tumanli Albionda davom ettirmoqchi. Bu haqda insayder Nikolo Skira o‘zining tvitter sahifasi orqali xabar berdi.
Braziliyalik futbolchiga asosiy davogar Londonning “Arsenal” klubi hisoblanadi. Ayni damda klublar transfer shartlarini muhokama qilishmoqda.
Artur klublar o‘zining transferi borasida yanvar oyidagi transfer oynasi yopilguniga qadar kelishib olishlariga umid qilmoqda.
Ma’lumot o‘rnida, Italiya chempionatining joriy mavsumida braziliyalik 8 ta o‘yin o‘tkazgan.
