Россиянинг "Локомотив" клуби "Монако" ҳужумчиси Уилсон Изидорани сотиб олишга яқин турибди, дея хабар беради "Le Parisen".

Манба берган хабарга кўра, ўтган кун давомида "Локомотив" трансфер бўйича музокараларни кучайтирган. Унга "Анже" ва "Пари" жамоалари ҳам қизиқмоқда, аммо футболчининг ўзи Россия клубини афзал кўрмоқда. Томонлар ўртасидаги музокаралар давом этмоқда. Изидора унга 2026 йилгача шартнома таклиф қилишга тайёр "Локомотив"га ўтмоқчи.

21 ёшли франциялик футболчи жорий мавсумда “Монако” сафида барча мусобақаларда 8 та ўйинда майдонга тушди ва гол ура олмади. Унинг шартномаси 2023 йилнинг 30 июнида тугайди.

Трансфермаркт футболчини 3 миллион еврога баҳоламоқда.