"Барселона" ҳужумчи Усмон Дембелени асосий жамоадан четлатиши мумкин. "Esport3" хабарига кўра, келаётган дам олиш кунларидан бошлаб бош мураббий Хави 24 ёшли франциялик футболчининг ҳизматларидан фойдалана олмайди. Айни дамда ҳужумчи ва клуб келишувни узайтириш борасида келиша олмаяпти.
Олдинроқ Дембеле Премьер-лига клубларидан бири билан шартнома борасида келишиб олгани, аммо қишда жамоасини ўзгартирмоқчи эмаслиги ҳақида хабарлар тарқалган эди. Франциялик футболчининг каталонияликлар билан амалдаги шартномаси 2022 йилнинг ёзида якунига этади.
2021/22 йилги мавсумда Дембеле клуб сафида барча турнирлар доирасида 11 та ўйинда майдонга тушиб, битта гол ва иккита голли узатмани амалга оширган.
