"Барселона" бош мураббийи Хави ҳужумчи Усмон Дембелени "Атлетик" билан Испания кубоги 1/8 финал учрашуви учун қайдномадан четда қолдирди, деб хабар беради "Scma.cat".

Манбанинг хабарига кўра, агар яқин соатларда янги шартнома имзолаш билан боғлиқ вазият ўзгармаса, 24 ёшли франциялик футболчи мавсумнинг қолган қисмини ўтказиб юборади.

Аввалроқ Каталония клуби ҳужумчи шартномани узайтириш таклифини қабул қилмаса, уни жамоадан четлатиши ҳақида хабар берилганди.

Маълумот учун, Дембеле жорий мавсум “Барселона” сафида 11 ўйинда майдонга тушиб, 1 та гол урди ва 2 та голли узатмани амалга оширди.