Туриннинг «Ювентус» клуби собиқ ҳимоячиси Паскал Бруно Леонардо Бонуччи ва Жозе Моуриньони ҳакамларга нисбатан менсимаслик ҳолатини танқид қилди.
Италиялик ўз интервьюсида, шунингдек, «Милан» устози Стефано Пиолини ўз соғлом фикрига эга шахс эканлигини ҳам алоҳида таъкидлади.
«Рома» А Серияда еттинчи ўринда, Моуриньо эса ҳакамларни айбламоқда. Футболчиларга келсак, улар ҳам ҳакамларга нисбатан жуда қўпол муносабатда бўлишяпти.
Бунга ёрқин мисол - Бонуччи. А Серияда у хоҳлаганини қилади ва терма жамоада ўйнаганида икки дақиқадан сўнг майдондан четлатилади», - дея Брунонинг сўзларидан иқтибос келтиради Football Italia.
Эътиборлиси, ҳозир Паскал Бруно Италия телевидениесида шарҳловчи сифатида ишламоқда.
