Олий лигамизда иккинчи тур баҳслари ўз ниҳоясига етгач Ўзбекистон кубоги ўйинларига ҳам старт берилди. «Локомотив» қуръа якунларига кўра ушбу кубок ўйинларини Муборакнинг «Машъал-Академия» клуби билан билан бошлайди. Ушбу учрашув олдидан темирйўлчилар спорт директори Хорен Георгиевич билан қисқа суҳбатда бўлдик. 

Хорен Георгиевич, хозирда «Локомотив» етакчи футболчиларнинг терма жамоалардаги иштироки ва футболчилар  олган жароаҳатлар туфайли ўзининг оптимал ҳолатида эмас. Ушбу ҳолатга сизининг кубок ўйини олдидан муносабатингизни билмоқчи эдик.

- Биз чемпионатни 6 та асосий таркиб ўйинчиларисиз бошладик. Мана 3 ой чемпионат ўйинларига тайёргарлик кўрдик, ўйин услубимиз бор, жамоа ҳаракат қилмоқда, чиройли ўйин кўрсатмоқдамиз, аммо қониқарли натижага эриша олмаяпмиз. Лекин биз  ҳар бир ўйинга янги куч билан, иштиёқ билан ёндошмоқдамиз. Ўйинчиларимиз ҳам буни яхши тушуниб турибдилар, жамоада яхши коллектив жам бўлган. Футболчиларимиз жароҳатларини тикламоқдалар, кейинги тур ўйинларигача 90 фоизга таркибимиз оптимал ҳолатига қайтади деб умид қиламан.

Ўзбекистон кубоки баҳсларида гарчи биринчи лига вакили билан учрашаётган бўлсакда, лекин кубок баҳсларида енгил ўтадиган ўйинлар бўлмайди. Англия, Италия ва Россия чемпионатларида ҳам биринчи лига вакиллари етакчи клубларга қарши кучли футбол намойиш этишади. Биз ҳам бу ўйинга яхши тайёргарлик кўрдик ва эртага мухлисларимизни ҳурсанд қилишга ҳаракат қиламиз.

Маъмур Мамадалиев суҳбатлашди