"Барселона" ҳужумчиси Усмон Дембеленинг агенти Мусса Сиссоко кейинги ҳафтада Каталония клуби вакиллари билан учрашади, деб хабар беради "Diario Sport".
Манба берган хабарга кўра, Сиссоко Каталония клуби билан шартномани узайтиришдан бош тортгани учун таркибдан четлатилган 24 ёшли француз билан боғлиқ вазиятни ҳал қилишга уриниб кўради.
Шунингдек, учрашувда агент "Барселона" билан шартномани узайтириш борасида музокара олиб боришга ҳаракат қилади.
Шу билан бирга, ҳужумчи каталонияликлар билан машғулот ўтказади, бироқ кейинги ўйинларда иштирок этмасликда давом этади.
Дембеле жорий мавсум “Барселона” сафида 11 ўйинда майдонга тушиб, 1 та гол урди ва 2 та голли узатмани амалга оширди.
