"Barselona" hujumchisi Usmon Dembelening agenti Mussa Sissoko keyingi haftada Kataloniya klubi vakillari bilan uchrashadi, deb xabar beradi "Diario Sport".
Manba bergan xabarga ko‘ra, Sissoko Kataloniya klubi bilan shartnomani uzaytirishdan bosh tortgani uchun tarkibdan chetlatilgan 24 yoshli fransuz bilan bog‘liq vaziyatni hal qilishga urinib ko‘radi.
Shuningdek, uchrashuvda agent "Barselona" bilan shartnomani uzaytirish borasida muzokara olib borishga harakat qiladi.
Shu bilan birga, hujumchi kataloniyaliklar bilan mashg‘ulot o‘tkazadi, biroq keyingi o‘yinlarda ishtirok etmaslikda davom etadi.
Dembele joriy mavsum “Barselona” safida 11 o‘yinda maydonga tushib, 1 ta gol urdi va 2 ta golli uzatmani amalga oshirdi.
