"Ньюкасл" қишки трансферлар вақтида "Аталанта" ҳужумчиси Дуван Сапатани сотиб олмоқчи.

Журналист Николо Скиранинг сўзларига кўра, "қарғалар" колумбиялик футболчини сотиб олиш шарти билан 40 миллион евро эвазига ижарага олишга тайёр.

Бироқ, Бергамо клуби 30 ёшли ҳужумчини январда сотиб, пулини дарҳол олишни истамоқда.

Маълумот учун, Сапата жорий мавсумда “Аталанта” сафида 22 та ўйинда майдонга тушиб, 12 та гол урди ва 7 та голли узатмани амалга оширди. Унинг бозор қиймати 33 миллион еврони ташкил қилади.