Италия терма жамоаси бош мураббийи Чезаре Пранделли терма жамоанинг фахрий футболчилари Франческо Тотти ва Алессандро Дель Пьеронинг терма жамоа сафида Европа чемпионати мусобақаларида иштирок этиши аниқ эмаслигини таъкидлаб ўтди.
"Дель Пьеро ва Тотти терма жамоада? Мен ҳали бу борада "ҳа" ёки "йўқ" деган жавобни берганим йўқ. Мен шунчаки кутмоқдаман. Албатта ўша пайтга бориб Росси ва Кассанонинг қандай ҳолат бўлишига боғлиқ бу. Биз охирги кунгача уларни кутамиз", дея тан олди Пранделли.
Таъкидлаб ўтиш жоиз, 37 ёшли Дель Пьеро 2008 йил сентябрдан буён терма жамоада иштирок этмаган бўлса, 36 ёшли Тотти охирги марта 2006 йилги Жаҳон чемпионати пайтида терма жамоа шарафини ҳимоя қилганди.
