Италия А сериясининг 23-туридан ўрин олган марказий ўйинда “Милан” ва “Ювентус” дуранг ўйнади. Учрашув Миланда “Сан-Сиро” стадионида бўлиб ўтди ва 0:0 ҳисобида якунланди.
"Ювентус" сардори ва ҳимоячиси Жоржио Кьеллини учрашув ҳақида фикр билдирди.
“Мен ҳар доим ижобий фикрдаман ва стаканнинг ярми тўлганини кўраман. Албатта, мен ғалаба қозонишни афзал кўрган бўлардим, аммо тенг ўйин бўлди. Ҳар икки жамоа астойдил ҳаракат қилди, мавсум бошидан буён анча ўсдик.
Ғалаба бизга қўшимча туртки берарди, аммо биз аллақачон тўғри йўлдамиз.
Мен болаларча иштиёқ билан ўйнайман ва ундан завқланаман. Бу менинг "Сан-Сиро"даги сўнгги ўйиним ёки фаолиятимдаги сўнгги ўйин бўлиши мумкин, менинг ёшимда сиз ҳар бир учрашувдан завқланишингиз керак", - дейди Кьеллини.
