Italiya A seriyasining 23-turidan o‘rin olgan markaziy o‘yinda “Milan” va “Yuventus” durang o‘ynadi. Uchrashuv Milanda “San-Siro” stadionida bo‘lib o‘tdi va 0:0 hisobida yakunlandi.
"Yuventus" sardori va himoyachisi Jorjio Kyellini uchrashuv haqida fikr bildirdi.
“Men har doim ijobiy fikrdaman va stakanning yarmi to‘lganini ko‘raman. Albatta, men g‘alaba qozonishni afzal ko‘rgan bo‘lardim, ammo teng o‘yin bo‘ldi. Har ikki jamoa astoydil harakat qildi, mavsum boshidan buyon ancha o‘sdik.
G‘alaba bizga qo‘shimcha turtki berardi, ammo biz allaqachon to‘g‘ri yo‘ldamiz.
Men bolalarcha ishtiyoq bilan o‘ynayman va undan zavqlanaman. Bu mening "San-Siro"dagi so‘nggi o‘yinim yoki faoliyatimdagi so‘nggi o‘yin bo‘lishi mumkin, mening yoshimda siz har bir uchrashuvdan zavqlanishingiz kerak", - deydi Kyellini.
