Бундан бир қанча вақт муқаддам, испаниянинг энг таниқли нашрларидан бири "Реал" бош мураббийи ва сардори ўртасида зиддият пайдо бўлганлиги ҳақида маълумот берганди.

Аммо, Жозе Моуриньо матбуотда тезда ушбу маълумотни рад этиб чиқди.
"Касильяс билан орамизда ҳеч қандай можаро ёки зиддият йўқ. Биз "Виллареал"га қарши баҳсдан сўнг клуб ичида йиғилиб, ўзаро суҳбат қурдик. Суҳбатимиз давомида ўйин борасида матбуотга ҳеч қандай интервью бермасликка келишиб олдик. Бор гап шу. Ўша ўйиндан кейин барчамиз асабий ҳолатда эдик. Табиийки, ечиниш ҳонасида футболчилар билан қаттиқроқ оҳангда гаплашган бўлишимиз мумкин. Аммо, клуб ичида барча бир-бири билан бир хил муносабатда. Жамоа ичидаги кайфият аъло деражада", дейди Моуриньо.

Мадридликлар устози шунингдек, матбуотда унинг "Реал"ни тарк этиб, "Манчестер Сити"ни бошқариши мумкинлиги ҳақидаги маълумотларга ҳам ўз муносабатини билдирди.

-"Сити"? Мен "Сити" билан ҳам, бошқаси билан ҳам музокара олиб бормаганман. Ҳозирда "Реал" бош мураббийиман. Амалдаги шартномам эса 2 йилдан кейин тугайди. Мен ҳеч кимга "Реал"ни тарк этаман деб айтмаганман", дея Моуриньонинг сўзларидан иқтибос келтирмоқда Goal.com.