“Бавария” “Челси” ҳимоячиси Андреас Кристенсенга қизиқиш билдирмоқда, дея хабар беради Goal.com.

Манбага кўра, "Бавария" ҳимоячи Никлас Зюле шартномасини узайтирмасликка қарор қилгани ва ёзда жамоани тарк этиши ортидан ҳимояни кучайтиришни режалаштирмоқда.

Шу билан бирга, 25 ёшли данияликнинг "Челси" билан келишуви ҳам ёзгача ҳисобланган. Лондон клуби ҳимоячига тўрт йиллик шартнома узайтиришни таклиф қилмоқда, бироқ клуб музокаралар чоғида муаммоларга дуч келди.

Кристенсен жорий мавсум “Челси” сафида 21 та ўйинда майдонга тушиб, 2 та гол уришга эришди. Зуле ҳисобига 25 учрашувда битта гол.