“Bavariya” “Chelsi” himoyachisi Andreas Kristensenga qiziqish bildirmoqda, deya xabar beradi Goal.com.

Manbaga ko‘ra, "Bavariya" himoyachi Niklas Zyule shartnomasini uzaytirmaslikka qaror qilgani va yozda jamoani tark etishi ortidan himoyani kuchaytirishni rejalashtirmoqda.

Shu bilan birga, 25 yoshli daniyalikning "Chelsi" bilan kelishuvi ham yozgacha hisoblangan. London klubi himoyachiga to‘rt yillik shartnoma uzaytirishni taklif qilmoqda, biroq klub muzokaralar chog‘ida muammolarga duch keldi.

Kristensen joriy mavsum “Chelsi” safida 21 ta o‘yinda maydonga tushib, 2 ta gol urishga erishdi. Zule hisobiga 25 uchrashuvda bitta gol.