Каталониянинг "Барселона" клуби Испания терма жамоаси ва "Ювентус" ҳужумчиси  Альваро Моратанинг трансфери борасида музокараларни давом эттирмоқда. Шунингдек, "Аякс" ҳимоясиси Николас Тальяфикони ҳам ўз сафига қўшиб олишга қаттиқ бел боғлигинлиги ҳақида Sport нашри хабар тарқатмоқда.

Манбанинг ёзишига қараганда, Моратанинг трансферига жамоа бош мураббийи Хавининг шахсан ўзи қизиқиш билдирмоқда. Хави Депайга ишонч билдирмаяпти, Люк де Йонгни эса Моратага муносиб ўринбосар сифатида кўрмоқда. Шунингдек, Ансу Фатининг жароҳати Моратани трансферини тезлаштиришга сабаб бўлди.

Айни пайтда "Ювентус" Душан Влаховични сотиб олишга яқин турибди ва Моратага чиқиш эшикларини кўрсатмоқчи.

Шунингдек, "Барселона" "Аякс" билан Тальяфико борасида фаол музокара олиб бормоқда. Амстердамликлар аргентиналик футболчини сотишни хоҳламоқда, "кўк-анорранглилар" эса ижарага олиш ниятида эканлигини яширишмаяпти.

Хави ҳар икки футболчини январь ойининг охиригача жамоага олиб келишни талаб қилмоқда.