«ПСЖ» яримҳимоячиси Жоржиньо Вейналдум қишки трансферлар ойнаси тугагунига қадар клубини ўзгартиришга умид қилмоқда.
Голландиялик футболчи француз жамоасидаги ўз ўрнидан норози ва Премьер-лига жамоаларидан бирига ижарага бориш вариантини кўриб чиқмоқда.
ESPN хабарига кўра, агар иккала клуб раҳбарияти келишув шартлари бўйича келиша олса, футболчи «Арсенал»га ўтишга рози. Ўз навбатида «канонирлар» ҳам яримҳимоячини ўз сафига қўшиб олишга қизиқиш билдирмоқда.
Қўшимча қилиш мумкинки, Вейналдумга аввалроқ «Ньюкасл» ва «Тоттенхэм» ҳам қизиқиш билдирган.
