«PSJ» yarimhimoyachisi Jorjinyo Veynaldum qishki transferlar oynasi tugaguniga qadar klubini o‘zgartirishga umid qilmoqda.
Gollandiyalik futbolchi fransuz jamoasidagi o‘z o‘rnidan norozi va Premyer-liga jamoalaridan biriga ijaraga borish variantini ko‘rib chiqmoqda.
ESPN xabariga ko‘ra, agar ikkala klub rahbariyati kelishuv shartlari bo‘yicha kelisha olsa, futbolchi «Arsenal»ga o‘tishga rozi. O‘z navbatida «kanonirlar» ham yarimhimoyachini o‘z safiga qo‘shib olishga qiziqish bildirmoqda.
Qo‘shimcha qilish mumkinki, Veynaldumga avvalroq «Nyukasl» va «Tottenxem» ham qiziqish bildirgan.
