Италия терма жамоаси бош мураббийи Роберто Манчини «Манчестер Юнайтед»ни бошқариши мумкин. Бу ҳақда инсайдер Фабрицио Романо айтиб ўтди.

«Кўрамиз, Роберто Манчини билан вазият қандай ривожланади. У Италия терма жамоаси билан банд, аммо март ойида ЖЧ-2022 плей-офф ўйинларидан кейин нима бўлишини кўрамиз. У асосий номзодлардан бири бўлиши мумкин. У бир кун келиб Премьер-лигага қайтишни хоҳлашини айтганди. Мен унинг исмини асосий даъвогарлар рўйхатига киритган бўлардим», деди Романо Рио Фердинанднинг FIVE кўрсатувида.

Манчини Италия терма жамоасини 2018 йилдан буён бошқариб келмоқда. 2009—2013 йилларда у «Манчестер Сити» бош мураббийи бўлган ва у билан бирга Премьер-лига чемпионлиги, ҳамда Англия кубогини қўлга киритган.

2022 йилнинг март ойида Италия терма жамоаси ЖЧ-2022да ўйнаш учун саралашнинг плей-офф босқичида иштирок этади.