«Интер Майами» яримҳимоячиси Блез Матюиди фаолиятини Европада давом эттириш ҳақида ўйламоқда. Бу ҳақда Get French Football News нашри хабар бермоқда.

34 ёшли француз 2020 йилдан буён МЛСда ўйнаб келмоқда. У бунгача «Труа», «Сент-Этьен», «ПСЖ» ва «Ювентус» шарафини ҳимоя қилган. Аввалроқ, «Интер» Матюиди билан шартномани бекор қилиш борасида музокаралар олиб бораётгани ҳақида хабар берилганди.

Матюиди Майами клуби сафида 48 та ўйин ўтказиб, 2 та гол ва 1 та голли узатмани амалга оширди. Франциялик футболчининг шартномаси 2022 йилнинг 31 декабрига қадар мўлжалланган.