«Интер» мухлислар гуруҳи «Curva Nord» Италия чемпионатининг 24-туридан ўрин олган «Милан»га қарши ўйинни бойкот қилмоқчи эканлигини маълум қилди. Бойкотга Италияда коронавирус билан боғлиқ муаммо туфайли стадионга мухлисларни киритмаслик қоидалари сабаб бўлди. Ультрас (мухлислар гуруҳи - таҳрирят) ўйинда байроқлар ва баннерлар билан ўз севимлиларини қўллаб қувватлашни исташмаяпти.
«Милан дерби»си 5 февраль шанба куни бўлиб ўтади. Учрашув Тошкент вақти билан соат 22:00да бошланади.
Football Italia нашри хабарига кўра, стадионни 50 фоизгача тўлдириш мумкин бўлади. Клуб мухлислари эса ўйинга барчанинг ташриф буюриши учун этарли эмас деб ҳисобламоқда.
Эслатиб ўтамиз, «Интер» А серия турнир жадвалида 53 очко билан биринчи ўринда, «Милан» эса 49 очко билан учинчи ўринда бормоқда.
