«Inter» muxlislar guruhi «Curva Nord» Italiya chempionatining 24-turidan o‘rin olgan «Milan»ga qarshi o‘yinni boykot qilmoqchi ekanligini ma’lum qildi. Boykotga Italiyada koronavirus bilan bog‘liq muammo tufayli stadionga muxlislarni kiritmaslik qoidalari sabab bo‘ldi. Ultras (muxlislar guruhi - tahriryat) o‘yinda bayroqlar va bannerlar bilan o‘z sevimlilarini qo‘llab quvvatlashni istashmayapti.
«Milan derbi»si 5 fevral shanba kuni bo‘lib o‘tadi. Uchrashuv Toshkent vaqti bilan soat 22:00da boshlanadi.
Football Italia nashri xabariga ko‘ra, stadionni 50 foizgacha to‘ldirish mumkin bo‘ladi. Klub muxlislari esa o‘yinga barchaning tashrif buyurishi uchun etarli emas deb hisoblamoqda.
Eslatib o‘tamiz, «Inter» A seriya turnir jadvalida 53 ochko bilan birinchi o‘rinda, «Milan» esa 49 ochko bilan uchinchi o‘rinda bormoqda.
