"Челси" футболчиси ўзининг асл ватанига йўл олди. Хабарларга кўра, Антонио Рюдигер орадаги кичик танаффусдан фойдаланиб, Сьерра-Леонега парвоз қилган.
Рюдигер Германияда, Берлинда туғилган. Аммо унинг онаси африкалик саналади. Шу сабабдан 28 ёшли футболчи Ғарбий Африка мамлакатида ўз жамғармасини тузиши учун йўл олган. У бу ишни сьерра-леонеликларга беғараз ёрдам учун ташкиллаштирмоқда.
Эслатиб ўтамиз, "Челси" 5 февраль куни кубок доирасида "Плимут" билан тўқнашади. Рюдигер ўша ўйинда таркибда бўлиши талаб этилади.
