"Ливерпуль" ва Миср терма жамоаси ҳужумчиси Муҳаммад Салоҳ Африка кубогидаги ғалаба унинг учун нимани англатишини айтди.
"Мен Миср терма жамоаси билан соврин ютишни истайман. Миср менинг мамлакатим, мен уни севаман. Африка кубоги менинг қалбим учун энг азиз бўларди. 2017 йилда ғалабага яқин эдик, бор кучимизни бердик, аммо омадимиз келмади ва финалда Камерунга ютқаздик. Энди биз яна шу ердамиз, биз курашишимиз, боримизни беришимиз керак ва менимча, жамоадошларим ҳам худди шундай ҳис қилмоқдалар".
26 январь куни Миср терма жамоаси мусобақанинг 1/8 финалида Кот-дъИвуар терма жамоаси билан ўйнайди.
