Қиргулидаги "Нефтчи" СК стадионида анъанавий халқаро "Ҳоким Кубоги-2022" мусобақасининг 1-туридан ўрин олган "Қўқон-1912" —"Алай" (Ўш) жамоаларининг баҳси ўз ниҳоясига етди. Қизиқарли ва муросасиз кечган учрашувда жанговар дуранг 1:1 натижаси қайд этилди. Параллел равишда ФарДУ ўйингоҳида "Навбаҳор-2"—" Андижон-1" жамоаларининг ўйини бўлиб ўтди. Бу учрашувда наманганликларнинг қўли баланд келиб, улар 2:0 ҳисобида ғалаба қозонишга эришдилар.
Эртага мусобақанинг 2-тур баҳслари давом эттирилади. Турнирда иштирок этаётган "Нефтчи" (U-21) клуби Яйпаннинг "Турон-2" жамоаси билан куч синашади. Беллашув Қиргулидаги "Нефтчи"СК стадионида соат 14:00 да старт олади.
