"Аталанта" клуби ярим ҳимоячиси Робин Госенс "Интер"га кўчиб ўтганлиги сабабли, унинг ўрнига бошқа футболчи олиб келишни ният қилган.
Бергамоликлар "Женоа" футболчиси Андреа Камбиассони ўз сафига қўшиб олишни режалаштиришмоқда. 21 ёшли футболчи генуяликлар таркибида мунтазам равишда ўйнаб келмоқда.
21 ёшли италиялик футболчи жорий мавсум "Женоа"нинг 24 та учрашувида майдонга тушди ва битта гол киритиб, тўртта голга ассистентлик қилди.
Ушбу футболчи учун "Аталанта"га "Ювентус" клуби рақиблик қилиши мумкин.
Ушбу трансфернинг нархи 5 миллион евро миқдорида баҳоланмоқда. Камбиассонинг амалдаги шартномаси 2023 йилнинг ёзида якунига етади.