"Ювентус" ҳужумчиси Пауло Дибала Англиянинг учта клуби қизиқиш билдирмоқда. Гап "Манчестер Сити", "Ливерпуль" ва "Тоттенҳэм" ҳақида кетмоқда. Бу ҳақда Football-Italia хабар бермоқда. Шунингдек, футболчини Италиянинг амалдаги чемпиони "Интер" ҳам сотиб олиши мумкин.
Олдинроқ Италия клуби 28 ёшли футболчи учун янги шартнома таклифини молиявий жиҳатдан жуда катта деб ҳисоблаб, қайтариб олгани хабар қилинганди. Аргентиналик футболчининг келажагида бурилиш нуқтаси бўлиши мумкин бўлган бу лаҳза Дибалага ёқмади. Дибаланинг шартномаси мавсум охирида тугайди.
