Робин Госенс айни дам «Интер»да тиббий кўрикдан ўтмоқда.
Аммо германиялик футболчининг март ойининг бошигача майдонга тушиши даргумон. У февраль ойидаги «нерадзурри»нинг асосий ўйинларини ўтказиб юборади.
Маълумот учун, А Сериянинг амалдаги чемпионлари келаси ой «Милан» ва «Наполи», Италия Кубоги доирасидаги «Рома» ва Чемпионлар Лигаси 1/8 финалининг биринчи ўйинида «Ливерпуль» билан тўқнаш келишади.
Госенс сентябрь ойида сонидан жиддий жароҳат олган ва жорий мавсумда «Аталанта» билан атиги саккизта ўйинда майдонга тушган эди холос.
Унинг 8 март куни «Ливерпуль»га қарши жавоб ўйинида майдонга тушиши кейинчалик маълум бўлади.
