Англиянинг «Астон Вилла» клуби «Ювентус» ярим ҳимоячиси Родриго Бентанкурнинг трансфери бўйича музокаралар олиб бормоқда. Агарда ушбу трансфер амалга ошмайдиган бўлса, Жерардда захира варианти бор.
Англия матбуотининг тарқатган маълумотига қараганда, "Астон Вилла" "Рейнжерс" ярим ҳимоячиси Глен Камарнинг хизматларига ҳам қизиқиш билдирмоқда. Transfermarkt портали 26 ёшли финландиялик футболчининг трансфер нархини 6 миллион еврога баҳоламоқда.
Аввалроқ, «Астон Вилла» Бентанкур учун 16 миллион фунт тўлашга тайёр экани хабар қилинганди.