"Манчестер Юнайтед" ҳужумчиси Маркус Рэшфорд фаолиятини Франция чемпионатида давом эттириши мумкин, деб хабар беради Canal +.
Манбага кўра, 24 ёшли футболчига парижликлар жиддий қизиқиш билдирмоқда. Париж клуби раҳбарияти Рэшфорд билан алоқада ва агар ҳужумчи Килиан Мбаппе жамоани тарк этса, у билан шартнома имзолашни кутмоқда. Рэшфорднинг ўзи ҳам эҳтимолий трансферга қизиқмоқда.
Рэшфорд - "Манчестер Юнайтед" тарбияланувчиси ҳисобланади. Ҳужумчи жорий мавсумда АПЛнинг 13 та учрашувида 4 та гол урди ва 1 та голли узатмани амалга оширди. Трансфермаркт томонидан Рэшфорд 85 миллион еврога баҳоланган.
