Бугун Италия спорт тиббиёти Федерациясининг ўнта шифокори "Милан" ҳужумчиси Антонио Кассанониг касаллик тарихини муҳокама қилдилар.
Комиссия 29 ёшли ушбу футболчининг соғлиги ҳақида ижобий фикрга келдилар. Якуний қарорни Миландаги спорт тиббиёти Институти чиқариши керак. Шундан сўнг Кассано футболга қайтиши мумкин.
Қўшимча тарзда айтиш керакки, Кассано бугун Миланеллода машғулотда тўп билан ишлади, шунингдек, дарвоза томон зарба бериш билан шуғулланди, - дея хабар беради "Милан" расмий сайти.
Эслатиб ўтамиз, ўтган йили ноябрь ойида Италия термаси ўйинчисининг юраги операция қилинган эди.