Африка Кубогининг 1/4 финал доирасида Миср ҳамда Марокаш терма жамоалари ўзаро баҳс олиб борди.

Учрашувнинг 6-дақиқасида белгиланган пенальтини Марокаш терма жамоаси аъзоси Буфаль аниқ амалга ошириб, жамоасини олдинга олиб чиқди. 53-дақиқада эса Муҳаммад Салоҳ мувозанатни тиклади. Шу тариқа учрашувнинг асосий вақтида ғолиб жамоа номи аниқланмади.

Сўнгра, 15 дақиқалик икки тайм қўшиб берилди. Ўйиннинг 100-дақиқасида иккинчи бўлимнинг бошида майдонга тушган Трезеге Муҳаммад Салоҳнинг ошириб берган пасини рақиб дарвозасига аниқ йўллаб, Миср терма жамоасига ғалабани тақдим этди.

Африка Кубоги, 1/4 финал.

Миср – Марокаш 2:1

30 январь, 20.00, «Stade Omnisport Ahmadou Ahidjo»

Голлар: 0:1 – 6, пенальти Буфаль, 1:1 – 53 Салоҳ, 2:1 – 100 Трезеге.

Миср – Абу-Габаль (Собхи, 96), Хегази (Трезеге, 46), Абделмонем, Эл-Фоту, Ашраф (Эл-Дин, 90), Эл-Ненни, Эл-Сулайя, Камаль, Салоҳ, Муҳаммад, Мармуш (Зизо, 80).

Марокаш – Буну, Хакими, Саисс, Агерд, Мазина, Буфаль (Раими, 66), Амрабат, Амалла (Луза, 86), Баркок (Абухляль, 104), Мунир, Эн-Несири (Ммаэ, 86).

Огоҳлантиришлар: Камаль (25), Амалла (34), Хакими (78), Муҳаммад (78), Ашраф (80), Абделмонем (105).