Москванинг "Спартак" жамоаси бош мураббий Валерий Карпин Россия чемпионати 37-турида "Зенит" билан бўлиб ўтган ўйинда (1:2) Кержаков-Дикань тўқнашуви ҳақида "Советский спорт"га фикр билдирди.
- Дикань ва Кержаков тўқнашувидан кейин эфирда Сиз заҳира ҳаками Каюмов билан гаплашиб турганингизни кўрсатишди. Суҳбат нима ҳақида кетаётган эди?
- Гап Широковнинг Кариокага қилган қўполлиги ҳақида эди. Қоида бузилиши заҳира ҳакамидан икки метр узоқда содир бўлганди. Каюмов фол бўлганини тан олди ва буни бош ҳакамга билдирганини айтди. Лекин, негадир бош ҳакам ёрдамчисининг сигналига жавоб бермади. Шундан сўнг Кержаков ва Дикань тўқнашуви рўй берди.
- Тартиб-интизом қўмитасига хат ёзмоқчимисиз ва бундан нималарни кутяпсиз?
- Ҳа, ёзмоқчимиз. Албатта футболда ўйин вазияти деб аталадиган бундай ҳоллар кўп учрайди. Табиийки, Кержаковни жазоламайдилар. Лекин у "Спартак" ўйинчиси бўлганда, қарор бошқача бўлар эди. Умуман, бу циркни биз уюштирмадик. Ким бу масхарабозликни ўйлаб топган бўлса, ўшалар жавоб берсин. Тўқнашув содир бўлди, дарвозабон оғир жароҳат олди...
