2012 йилги Осиё Чемпионлар лигасининг 3-тур учрашувларидан олдин ортга назар ташлаб, дастлабки иккита турга оид баъзи бир статистик маълумотларга эътиборингизни тортмоқчимиз.

- “Бунёдкор” Лиганинг гуруҳ босқичида тўп сураётган 32 қатнашчи орасида ҳали бирорта ҳам огоҳлантириш олмаган икки клубнинг биридир. Шунингдек, “Ал-Райян” (Қатар) ҳам ўз ҳисобида биронта ҳам карточкага эга эмас.

- Фозил Мусаев (“Насаф”) ҳозирча Лигадаги энг тез гол муаллифи бўлиб турибди: у “Ал-Жазира” (БАА) дарвозасини 2-дақиқадаёқ ишғол этганди.

- “Аделаида Юнайтед” (Австралия) киритган барча 4та гол жамоанинг ҳимоячилари ҳисобида.

- “Гамба Осака” (Япония) ҳали бирорта ҳам гол ура олмаган ягона клуб.

- Аксинча, “Истиқлол” (Эрон) ҳали гол ўтказмаган ягона жамоа.

- Иккита тур давомида битта автогол қайд этилган: Сами Рубаия (“Ал-Жазира” БАА) - “Насаф” билан Қаршидаги ўйинда.

- Энг кўп мухлис “Пирузи” (Эрон) - “Ал-Шабаб” (БАА) 6:1 ўйинига келган. “Озоди” стадионига 2-турнинг бу баҳсида 82700 томошабин тушди.

- Саралаш босқичини ҳам қўшиб ҳисоблаганда, ўзбекистонлик реферилар бу йилги Лигада 5та учрашувни бошқаришди: В.Коваленко - 3та, Р.Эрматов - 2та.