«Манчестер Юнайтед»нинг ёш ҳужумчиси Мейсон Гринвуд жанжалга аралашиб қолди. Футболчи қиз ўртоғини калтаклаш, шунингдек, тегажоғлиқ қилишда айбланмоқда. Жабрланган қиз якшанба куни эрталаб ўз инстаграм саҳифасига тегишли фотосуратлар, видео ва аудиоларни жойлаштирди. Харриет ушбу постни тезда ўчириб ташлаган бўлса-да, футболчига нисбатан суд жараёни бошланди.
«Манчестер Юнайтед»нинг бир қанча футболчилари воқеадан сўнг инстаграмда Мейсон Гринвудни кузатишни тўхтатишди. Обунани бекор қилганлар орасида Криштиану Роналду, Поль Погба ва Давид де Хеа каби юлдузлар ҳам бор.
