«Ювентус» ярим ҳимоячиси Родриго Бентанкур «Тоттенхэм»га ўтди. Футболчи тиббий кўрикдан ўтди ва инглиз клуби билан шартнома имзолади, деб хабар бермоқда Турин клуби матбуот хизмати.
Битим 19 миллион еврони ташкил қилди. Яна 6 миллион Турин клуби бонус сифатида олиши мумкин. Умумий сумманинг 30 фоизи «Бока Хуниорс»га тушади.
Аввалроқ инглиз клуби футболчи билан йилига 3,5 миллион евро маош билан 2026 йилгача шартнома имзолашга тайёрлиги ҳақида хабар берилганди.
2021/22 йилги мавсумда Бентанкур «Ювентус» сафида 26 та ўйинда майдонга тушиб, 3 та голга ассистентлик қилган.
