"Тоттенхэм" ярим ҳимоячиси Деле Алли "Эвертон" билан шартнома имзолади, деб хабар беради клуб расмий сайти.
25 ёшли англиялик билан шартнома 2024 йилнинг ёзига қадар мўлжалланган. Мерсисайдликлар футболчининг ўйинига қараб, ўйинчи учун 48 миллион еврогача тўлаши мумкин. Шунингдек, агар Алли 20 та ўйин ўтказса, "Тоттенхэм" 12 миллион евро олади.
Маълумот учун, Алли "Тоттенхэм"га 2015 йилнинг февралида "МК Донс"дан келиб қўшилган эди. Лондон жамоаси учун ярим ҳимоячи жами 269 ўйин ўтказиб, 67 гол урган ва 61 голга ассистентлик қилган.
Алли жорий мавсумда барча мусобақаларда 18 та ўйинда майдонга тушиб, 2 та гол урди ва 1 та голли узатмани амалга оширди.
