"Эвертон"нинг янги бош мураббийи Фрэнк Лэмпард собиқ жамоадоши Эшли Коулни мураббийлар штабига олиб келишни режалаштирмоқда, деб хабар беради "Sky Sports".
Мерсисайдликлар 41 ёшли мутахассис билан музокара олиб боришмоқда. Томонлар яқин орада бир қарорга келишади.
Коул ҳозирда "Челси" академиясида ишламоқда ва Англия ёшлар терма жамоасида Ли Карслининг ёрдамчиси ҳисобланади.
Маълумот учун, Коул ва Лэмпард 2006 йилдан 2014 йилгача "Челси"да бирга ўйнашган. Улар Лондон клуби билан Чемпионлар лигаси, Европа лигаси, Англия чемпионати ва бошқа совринларни қўлга киритишга эришишган.
