"Реал" бош мураббийи Жозе Моуриньо "Милан" ҳужумчиси Златан Иброҳимовични танқид қилувчилардан ҳимоя қилиб чиқди.

"Ибра - севмаслик мумкин бўлмаган зўр ўйинчи ва ажойиб йигит, унинг футболдан ташқари яна муҳим нарсаси - оиласи ҳам бор. У оиласи учун, футбол учун яшайди, у - музаффар.

Одамлар унинг хизматларини унутганда мен ачинаман. У ахир қаторасига саккизта миллий совринни ютган - буни унутиш керакмас. Унинг яна бир орзуси чемпионлар лигасида ғолиб чиқиш, бунинг учун унда вақт етарли. Бу унга етишмаётган ягона соврин", - дея Моуриньонинг сўзларидан иқтибос келтиради Corriere della Sera.